Лаборант клинико-диагностической лаборатории Республиканского онкологического диспансера Дукар Алефтина Эзир-ооловна (19.01.1966 года рождения) принимает участие в онлайн-конкурсе стихотворений и песен собственного сочинения «Спасибо родимый Солдат» / «Четтирдим эргим Шеригжи», приуроченный ко Всемирному дню «Спасибо».

Шеригжиге мөгейиг.

Бурун шагда бадыткап каан сүлде демдек,
Бурган сөңү сагыызынныг Тыва аймак.
Дөзү быжыг, арыг чараш буян сеткил ,
Төрел чонда хүндүткелдиг, эр чаялга .

Төрээн чурт дээш хүлээлгезин быжыг туржуп,
Төрел чонум ,акы-дуңмам Украинаже,
Тускай чажыт шериг херээн күүседип,
Тура халып , эрес-дидим базып кирди.

Алдан маадыр адалардан салгал дамчаан,
Арыг сеткил херелдери чүглеп чыраан,
Каржы-дошкун дайын чааны чылча баскан,
Кайгамчыктыг оду чайнаан сылдыс болдуң.

Дайзыннарны бажын санай хөме эртип,
Дадай дивес тиилелгени демнештирген,
Дээринде эргий ушкан эзир куш дег,
Делгем черни дарый хостаан шеригжи сен.

Удур чыгган мөөңнээшкинге дүрген киржип,
Улуг чуртту хосталгаже хаара туткаш,
Уруг эжиң,ажы-төлүң чырыткызы,
Улус чоннуң чоргааралы- маадыры сен.

Өштүглерни буруу шапкаш, тугу киискээн,
Өргүн чонга чыргал шаңнаан дидим эрге,
Хензиг чүрээм согуун туткаш, четтирдим деп,
Хере базып чаңгыландыр кыйгы салдым.

08.02.2023 чыл. Алефтина Дукар

#СпасибоРодимыйСолдат #ЧеттирдимЭргимШеригжи